Plantun de Prouvènço

Pèr coumpara dos planto d'encò nostre

Trigonella esculenta & Asplenium trichomanes subsp. inexpectans

Jauneto

Trigonella esculenta

Fabaceae Leguminosae

Autre noum : Jauneto(-manjadisso).

Noms en français : Trigonelle comestible, Trigonelle à petites cornes.

Descripcioun :
Aquesto jauneto pòu èstre proun coumuno dins d'ùni relarg de Prouvènço. Es uno planto de l'an que se recounèis à si enflourejado jauno de 8 à 25 flour pourtado pèr un pecou pulèu long. Si dòusso peréu soun eisa de recounèisse, soun torso de 10 à 16 mm.

Usanço :
Li grano soun manjadisso, mai avèn pas d'entresigne sus de biais de la manja au nostre. Escriéure au site se n'en sabès mai.

Port : Erbo
Taio : 10 à 60 cm
Fueio : coumpausado
Tipe bioulougico : Teroufite
Cicle bioulougico : Planto de l'an

Gènre : Trigonella
Famiho : Fabaceae
Famiho classico : Leguminosae

Ordre : Fabales

Coulour de la flour : Jauno
Petalo : irreguliero
Ø (o loungour) flour : 6 à 8 mm
Flourido : Printèms - Estiéu

Sòu : Ca
Autour basso e auto : 0 à 600 m
Aparado : Noun

Liò : Champ - Camin - Ermas
Estànci : Termoumediterran à Subremediterran
Couroulougi : Estenomediterrano
Ref. sc. : Trigonella esculenta Willd., 1809

Erbo-de-l'escaleto

Asplenium trichomanes subsp. inexpectans

Aspleniaceae

Àutri noum : Erbo-de-la-bresego, Poulitri.

Noms en français : Capillaire des murailles, Doradille polytric.

Descripcioun :
Aquesto erbo-de-l'escaleto de la subsp. inexpectans se destrìo de la subsp. coumuno, trichomanes, que lou bout di foundo s'acabo d'un cop sus un tros bèn mai gros (fotò). Peréu, li foundo soun forço procho de la roco coume se s'i'arapavon.

Usanço :
Dèu agué li mémi prouprieta que l'erbo-de-l'escaleto coumuno, Asplenium trichomanes subsp. trichomanes. Pamens vau miés pas l'acampa qu'es uno planto raro (e bèn mai pichoto).